Tifozët e Arsenalit kanë humbur durimin në trajnerin e tyre, Arsene Wenger.

Francezi në 12 vitet e fundit ka dështuar të fitojë kampionatin e Ligës Premier.

Tifozët kanë hapur një baner të madh me një mesazh drejtuar trajnerit francez në ndeshjen e mbrëmshme të Arsenalit për FA CUP, transmeton Telegrafi.

“Arsene, faleminderit për kujtimet, por është koha të thuash lamtumirë”, shkruhej në banerin e tifozëve të Arsenalit, i cili mposhti 4:0 Hul Cityn

Vlen të theksohet se 66-vjeçari drejton Gunner që nga viti 1996, ku me këtë skuadër ka fituar tre tituj të Ligës Premier, gjashtë FA CUP dhe po aq FA Community Shield.