Ambasadori amerikan, Jeffrey Hovenier, këtë pasdite ka takuar ministrin e ri të Mbrojtjes të Kosovës, Ejup Maqedoncin.

Hovenier, me anë të një postimi në rrjetin social Twitter, tregoi se mezi pret të bashkëpunon me Maqedoncin për transformimin e FSK-së në një forcë mbrojtëse multietnike, transmeton Klankosova.tv.

“Kënaqësi që sot pasdite u takova me ministrin e ri të Mbrojtjes Ejup Maqedonci. Mezi pres të vazhdojmë bashkëpunimin dhe partneritetin tonë të ngushtë, veçanërisht në mbështetje të tranzicionit 10 vjeçar të FSK-së në një forcë mbrojtëse territoriale multietnike, profesionale, të ndërveprueshme nga NATO”, ka shkruar Hovenier.