Presidentja e Kosovës, Vjosa Osmani, ka pritur në takim të rregullt ambasadorin e Shteteve të Bashkuara të Amerikës në Kosovë, Jeffrey Hovenier.

Tema kryesore në këtë takim ka qenë dialogu Kosovë-Serbi.

Por ndër tjerash është folur edhe për shtensionimin e situatës në Veri të Kosovës.

Siç ka njoftuar presidenca, është thënë se do të vazhdojë bashkërendimi i Kosovës me partnerët ndërkombëtarë.

”Presidentja Vjosa Osmani ka pritur sot në takim të rregullt ambasadorin e Shteteve të Bashkuara, Jeffrey Hovenier, me të cilin bisedoi për zhvillimet në vend, me fokus të veçantë në procesin e dialogut ndërmjet Kosovës dhe Serbisë”.

”Në takim u diskutua edhe për vazhdimin e bashkërendimit me partnerët, duke e ditur që si institucionet tona ashtu edhe SHBA-të, kanë të njëjtin qëllim për shtensionimin e situatës në veri të vendit”, thuhet në njoftim. /Gazeta Express