Jurrien Timber ka arritur marrëveshje personale me Arsenalin. Kështu ka raportuar këtë të diel gazetari nga mediumi holandez “Telegraaf”, Mike Verweij.

Sipas tij, 22-vjeçari është pajtuar për një kontratë deri në verën e vitit 2028, shkruan Gazeta Express.

Timber gjithashtu është pajtuar që paga e tij të jetë 8 milionë euro, që është dyfishi i asaj që merr te Ajaxi.

Tani, Arsenali duhet të arrijë marrëveshje edhe me Ajaxin për çmimin e transferimit të holandezit.

Bisedimet mes klubeve po vazhdojnë, por ende nuk ka ndonjë marrëveshje mes tyre.

“Topçinjtë” pritet që së shpejti të dërgojnë ofertën e dytë.

Sipas Verweij, një marrëveshje mes dy klubeve mund të arrihet për çmimin prej 45 milionë eurosh. /Gazeta Express/