Vazhdojnë largimet nga Premierliga, më saktësisht nga Chelsea, me destinacion Arabinë Saudite.

Pas zyrtarizimit të N’Golo Kantes në Al-Ittihad, shumë shpejt pritet të bëhet zyrtarizimi i një tjetër futbollisti të “Blues” në Pro Saudi League.

Po flasim për Kalidou Koulibalyn, i cili do të transferohet në klubin saudit, Al Hilal, shkruan “Gazeta Express”.

33 vjeçari ishte transferuar vitin e kaluar në “Stamford Bridge” nga Napoli, ndërsa spekulohej se në këtë verë do të rikthehej në Serie A për t’iu bashkuar Interin.

Por, futbollistin afrikan e tërhoqi oferta e majme që i arriti nga Arabia Saudite, ku synon t’i kalojë vitet e fundit të karrierës.

Drejt Arabisë Saudite po shkon edhe mesfushori ofanziv i Chelseat, Hakim Ziyech. /Gazeta Express/