Egzon Belica është largimi i radhës nga FC Prishtina.
Klubi kryeqytetas zyrtarizoi largimin e qendërmbrojtësit pas skadimit të kontratës së tij, shkruan Gazeta Express.
Belica ishte pjesë e Prishtinës nga shtatori i vitit të kaluar.
32-vjeçari nga Struga me ekipin “bardhekaltër” e fitoi trofeun e Kupës së Kosovës.
Njoftimi i plotë nga FC Prishtina:
“𝙁𝙖𝙡𝙚𝙢𝙞𝙣𝙙𝙚𝙧𝙞𝙩 𝙀𝙜𝙯𝙤𝙣!
FC Prishtina dhe mbrojtësi Egzon Belica e kanë ndërprerë bashkëpunimin pasi që lojtarit i ka përfunduar kontrata.
32-vjeçari i ardhur te skuadra jonë në shtator të vitit të kaluar, largohet nga Prishtina me një trofe, Kupën e Kosovës.
Prishtina e falënderon Belicën për kontributin e dhënë për ekipin dhe i dëshiron suksese në vazhdim të karrierës”. /Gazeta Express/
