Menaxheri i Arsenalit, Arsene Wenger, insiston se ekipi i tij është gati për momentet vendimtare të sezonit.

Ekipi i francezit është gjashtë pikë larg liderit Leicester City, para duelit të së shtunës ndaj Tottenhamit në White Hart Lane, ku këta të fundit janë në vendin e dytë në tabelë.

“Spurs kanë bërë progres. Tani është koha e ndeshjeve të mëdha me 10 ndeshje të mbetura në total. Kjo është arsyeja pse të gjithë kanë interesim për këto ndeshje tani”.

“Ne kemi qenë konsistent në vitet e fundit. Duam të përfundojmë mbi Tottenhamin sërish dhe rëndësia e kësaj ndeshje shkon përtej kësaj”, deklaroi francezi. /Telegrafi/