Një 54 vjeçar me inicialet N.N është arrestuar dje në Kacanik pasi dyshohet se si pasojë e një mosmarrëveshje ka kanosur me armë një person tjetër, 47 vjeçar.

Policia ka njoftuar se të dyshuarit i janë konfiskuara arma e zjarrit me 12 fishekë dhe një thikë.

I dyshuari është dërguar në mbajtje për 48 orë.

Komunikata e plotë:

Arrestohet një person për armëmbajtje pa leje dhe kanosje në Kaçanik

Me datën 07.05.2023, rreth 14:43 policia e stacionit në Kaçanik ka pranuar një informacion se në fshatin Vatë të Kaçanikut është një rast I kanosjes.

Policët e rendit dhe policët hetues menjëherë i janë përgjigjur kësaj informate dhe nën autorizim të prokurorit kujdestar nga Prokuroria Themelore në Ferizaj kanë shkuar në fshatin Vatë dhe kanë arrestuar të dyshuarin N.N (M/K) i moshës 54 vjeçar, i cili shkak i një mosmarrëveshje kishte kanosur me armë personin tjetër mashkull, kosovar i moshës 47 vjeçar, ndërsa më pas policia nga i dyshuari ka konfiskuar armën e zjarrit ( pistoletë) me 12 fishekë dhe një thikë.

I dyshuari është shoqëruar në stacionin e policisë në Kaçanik dhe pas intervistimit nga policët hetues, me vendim të prokurorit është ndaluar në mbajtje për 48 orë, ndërsa rasti është cilësuar ‘’ Armëmbajtje pa leje dhe kanosje’’.