Policia Rajonale në Ferizaj, raporton se në orët e para të mëngjesit të sotëm ka ndodhur një gjuajte me armë zjarri në fshatin Gërlicë e Epërme të Kaçanikut.

Hetimet e para kanë konstatuar se viktima, 38 vjeçar derisa po e kontrollonte shtëpinë e pa banuar të vëllait të tij ka vënë re dy persona të dyshuar të cilët kanë shtënë me armë zjarrë në drejtim të tij, njofton Klan Kosova.

Me këtë rast edhe viktima ka shtënë mbi ta me një revole pa leje e cila është konfiskuar më pas nga policia.

Ende nuk ka ndonjë të arrestuar për këtë rast kurse policia ka gjetur disa gëzhoja të cilët shërbejnë si prova materiale.