Mbrojtësi i Real Madridit, David Alaba ka folur në konferencë për shtyp para duelit të nesërm me Chelsean.

Futbollisti austriak thotë se “Los Blancos” do të mundohen ta eliminojnë ekipin londinez dhe ta prekin gjysmëfinalen, në tentim për ta fituar përsëri trofeun e Championsit, shkruan “Gazeta Express”.

“Shikoje historinë e klubit, ne e njohim atë. Na pëlqen të fitojmë dhe Reali është një klub special, më i madhi në botë. Kjo na bën që të punojmë çdo ditë e më shumë”, thotë fillimisht ish-futbollisti i Bayern Munichut.

“A jemi favoritë? Nuk ka sens të flasim për këtë, objektivi është i qartë, që të shkojmë në gjysmëfinale. Duhet të fillojmë që nga nesër. Nuk besoj që Chelsea ka frikë, por do ta bëjmë më të mirën tonë që t’i impresionojmë. Vitin e kaluar Championsi ka qenë mjaft special”, vazhdoi mbrojtësi i krahut të majtë, i cili luan edhe në qendër të mbrojtjes, por që mund të vendoset edhe përpara mbrojtësve në mesfushë.

Reali dhe Chelsea do të përballen nesër mbrëma në “Santiago Bernabeu” në ndeshjen e parë çerekfinale të Ligës së Kampionëve. /Gazeta Express/