Presidenti në ardhje, Hashim Thaçi ka vazhduar edhe sot vizitat dhe takimet e tij në qytete të ndryshme të Kosovës.

Kësaj here Thaçi qëndroi në Gjilan, ku vizitoi familjet e dëshmorëve Rexhep Mala deh Nuhi Berisha.

“Sot vizitova familjet e dëshmorëve Rexhep Mala e Nuhi Berisha në Gjilan, dy prej figurave qendrore të përpjekjeve të pareshtura të popullit tonë për liri e pavarësi. Rexhepi dhe Nuhiu ishin të papërkulur me qëndrimet e tyre atdhetare. I sigurova familjarët se veprat e tyre vazhdojnë të na frymëzojnë në angazhimin tonë për të ardhmen e Kosovës”, ka shkruar Thaçi në Facebook, derisa ka shpërndarë edhe fotografi nga takimet e tij.