E ardhmja e Kroosit te Real Madridi varet nga ajo e Ancelottit

E ardhmja e Toni Kroosit vazhdon të jetë ende e paqartë.

Kontrata e tij me Real Madridin skadon pas përfundimit të sezonit aktual, që nënkupton se ai mund të largohet si futbollist i lirë në verë, transmeton Gazeta Express.

Më herët është raportuar se Kroosit do t’i ofrohet një kontratë e re 1-vjeçare, por duket se mesfushori po kërkon garanci para se të nënshkruajë kontratë të re.

Sipas “Todofichajes”, mesfushori gjerman dëshiron të dijë nëse trajneri Carlo Ancelotti do të qëndrojë gjithashtu sezonin e ardhshëm.

Ancelotti ka një kontratë deri në verën e vitit 2024 dhe pavarësisht spekulimeve për të ardhmen e tij, ai ka përsëritur dëshirën e tij për të qëndruar në “Santiago Bernabeu”.

Megjithatë, nuk mund të parashikohet nëse trajneri italian do të shkarkohet nga pozita që ka te “Los Blancos”. Sigurisht se e gjithë kjo varet nga rezultatet që ai do t’i arrijë këtë sezon.

Kjo përputhet me raportet e mëparshme se Kroos kërkon garanci se ai do të vazhdojë të jetë një pjesë kyçe e skuadrës edhe në sezonin e ardhshëm.

34-vjeçari është pjesë e Real Madridit që nga viti 2014. /Gazeta Express/

E ardhmja e Kroosit te Real Madridi varet nga ajo e Ancelottit

SHIKO MË SHUMË

Shqipëria zbret sot në fushë, sfidë e rëndësishme ndaj Finlandës

Erdhi me shumë bujë, Maran e lë në tribuna edhe për ndeshjen ndaj San Marinos!

Vushtrria pret kampionin e Kosovës, këto janë formacionet

Rruga: "Haradin Bajrami" - Lipjan / 14000 Lipjan

LipjaniNews Medie SHPK i emërtuar LipjaniNews, është krijuar ekskluzivisht për ta informuar shpejt, drejtë, saktë dhe objektivisht lexuesin, kudo që ndodhet. Materialet dhe informacionet e natyrave të ndryshme nuk mund të shtypen apo kopjohen për qëllime përfitimi.

Aktivitet në ARBK

Statusi në ARBK: Regjistruar

© LIPJANINEWS:COM [email protected] /// +383 44 444 634