Në distriktin Colinas del Rey në Meksikë, një grua me fustan të bardhë dhe flokë të shprishura, ka frikësuar gjatë natës kalimtarët dhe shoferët e veturave.

Shumë njerëz e kanë xhiruar këtë grua, ndërsa e kanë quajtur të ‘pushtuar nga djalli’ shkaku i sjelljeve të vrazhda, transmeton Telegrafi.

Në fillim të videos së postuar më poshtë, gruaja shëtit nëpër rrugë me një pamje të ngjashme me fantazmat që shfaqen nëpër filma.

Pastaj ajo shihet duke lëshuar zëra të çuditshëm, duke e tmerruar shoferin brenda veturës.

Në fund të videos ajo shihet duke e përqafuar një pemë, ndërsa është rrethuar nga banorët.

Mësohet se ajo i është nënshtruar një kontrolli mjekësor, dhe po mbahet në një qendër për kujdes mental. /Telegrafi/