Mallorca bëri befasi sot në La Liga, pasi mposhti Real Madridin në kuadër të javës së 20-të.
Ndeshja përfundoi me rezultatin minimal 1:0, teksa u vendos nga një autogol i Nachos, në minutën e 13-të, shkruan Gazeta Express.
Vedat Muriqi regjistroi një paraqitje të shkëlqyeshme, teksa u zgjodh edhe lojtari i ndeshjes. Ai ishte i përfshirë te goli i fitores.
Pas ndeshjes, reprezentuesi i Kosovës ka bërë një postim në llogarinë e tij zyrtare në “Instagram”.
“Kjo është shtëpia jonë! Këtu zbatohen rregullat tona”, shkroi 28-vjeçari.
Mallorca pas kësaj fitore ka 28 pikë dhe renditet e dhjeta në tabelë. /Gazeta Express/
