Ka ndërruar jetë Sabit Islami, i dyshuari për plagosjen e dy grave sot në Fushë Kosovë.

Indeksonline raportoi më herët se Islami ishte gjetur i plagosur, teksa i njëjti fillimisht u dyshua se kishte kryer vetëvrasje.

Rastin ndërkohë e ka konfirmuar edhe mjeku kujdestar i Klinikës Emergjente në QKUK, Ejup Govori.

Ai tha se i dyshuari ka arritur në QKUK me shenja jete. Sipas Govorit, i njëjti ka qenë i plagosur në bark.

Ndërkohë, dy gratë, nënë e bijë, që u plagosën sot në Fushë-Kosovë janë jashtë rrezikut për jetë, por me lëndime serioze.