Deputetja e Lidhjes Demokratike të Kosovës (LDK), Alma Lama, në emisionin “Info – Box” të RTV Dukagjini, ka theksuar se opozita është e lumtur që Hashim Thaçi është zgjedhur president.

Sipas saj “po të kishin dashur ata (opozita) që Thaçi të mos zgjidhej president, do ta propozonin një kandidat”.

“Në qoftë se ata do ta propozonin një kandidat me vlera, unë do ta votoja atë kandidat. Polarizimet politike të kohëve të fundit mund të çojnë drejt përplasjeve të madha shoqërore”, ka thënë Lama.

Ajo ka folur edhe për lajmin e raportuar në media, se kryeministri i Kosovës, Isa Mustafa i ka kërcënuar me përjashtim deputetët që kanë votuar kundër kandidaturës së Thaçit për president.

“Nëse është e vërtet jam plotësisht kundër këtij veprimi, sepse deputetët kanë vepruar sipas bindjeve të tyre. Dikush ka dashur ta respektojë marrëveshjen, e dikush jo. Është e drejta imë që të votojë si të dua, sepse këtë ma mundëson kushtetuta, ka shtuar Lama. /Telegrafi/