Kiara dhe Luizi ishin çifti i radhës që duhej të përkujdeseshin për “Arbanën” e vogël në shtëpinë e Big Brother VIP Albania.
Ata i janë nënshtruar provës javore, e cila detyron banorët në çifte, që të kujdesen për një kukull, sikur të ishin duke u kujdesur për një fëmijë të vërtetë.
E teksa kanë pasur mundësinë që të shijojnë së bashku intimitetin në një ambient privat, Luizi dhe Kiara duket se ia kanë kaluar shumë mirë pranë njëri-tjetrit.
Madje në një moment, kamerat kanë kapur momentin kur Kiara është duke fjetur, ndërkohë që Luizi shkon dhe e puthë pa pushim.
Në një video tjetër, dyshja teksa kujdesen për kukullën foshnjë diskutojnë mbi prindërimin, ku mes të tjerash këngëtari shkodran i thotë moderatores se do t’i bëjnë katër fëmijë.
Kujtojmë që Luizi është i nominuar këtë javë, së bashku me Efin, Amarildon dhe Xhonatanin – ku njëri prej tyre do të lërë shtëpinë të premten. /Telegrafi/
