Chelsea raportohet se ka dorëzuar te Lyoni ofertën për transferimin e Malo Gustos.
Sipas “FootMercato”, oferta është dërguar këtë të martë – por, detajet e ofertës nuk u zbuluan, transmeton Gazeta Express.
Megjithatë, thuhet se te Lyoni janë të bindur se Gusto do të mbetet në skuadër për së paku deri në fund të sezonit.
Kësisoj, mediumi francez nuk ka përjashtuar mundësinë që Chelsea të bëjë edhe një tjetër ofertë të përmirësuar për 19-vjeçarin.
Mbrojtësi i djathtë është një titullar i padiskutueshëm në skuadren e drejtuar nga Laurent Blanc.
Reprezentuesi i Francës U21 me Lyonin ka kontratë të vlefshme deri më 30 qershor 2024.
Sipas “Transfermarkt”, Malo Gusto në treg momentalisht vlerësohet me 15 milionë euro. /Gazeta Express/
