Interi po kërkon të përforcohet me Chris Smalling, pas raportimeve se Milan Skriniar ka arritur marrëveshje verbale me Paris Saint-Germainin.

Qendërmbrojtësi sllovak thuhet se do t’i bashkohet kampionëve francezë si futbollist i lirë pas përfundimit të këtij sezoni, kur edhe skadon kontrata e tij me klubin nga Milano, transmeton Gazeta Express.

Dhe, Interi synon që të zëvendësojë Skriniarin me Smalling, i cili gjithashtu në verë do të mbetet futbollist i lirë.

Eksperti i transferimeve, Nicolo Schira, ka raportuar se “Nerazzurrët” janë në bisedime tashmë për të nënshkruar me qendërmbrojtësin anglez.

Interi thuhet se i ka ofruar 33-vjeçarit një kontratë deri në vitin 2025, me pagë prej 3.5 milionë eurosh në vit.

Chris Smalling është pjesë e Romës që nga viti 2020. /Gazeta Express/