Edhe pse ai pati një impakt të menjëhershëm me skuadrën nga Torino, lëndimet e kanë përcjellë atë gjatë tërë sezonit, duke bërë që ai të shënojë vetëm shtatë gola dhe të bëjë dy asiste në 15 ndeshje në Serie A dhe në Ligën e Kampionëve.
Këto probleme të njëjta kanë ndikuar edhe në paraqitjen e tij në Botëror, edhe pse shënoi një gol dhe kjo mund të jetë e mjaftueshme që skuadrat e Premier Ligës ta kërkojnë atë.
Sipas asaj që shkruan Corriere dello Sport – transmeton GazetaExpress – çdo shitje mund të bëhet deri në verë, por edhe tash për të ka interes nga Arsenal, Manchester United dhe Chelsea.
Shpenzimet e këtij operacioni do t’i kushtojnë minimumi 90 milionë euro atyre skuadrave që e dëshirojnë, një shumë e vogël që nuk do të jetë shumë problem për klubet e Premier Ligës. /GazetaExpress/
