Rita Ora rrezikoi me paraqitjen e saj të fundit duke veshur një fustan të zi shumë të guximshëm.
32-vjeçarja këto ditë ka treguar një sërë veshjesh mahnitëse në postimet e saj të fundit në rrjetet sociale, shkruan The Sun.
Por padyshim më e guximshmja ishte ajo me fustanin e zi me prerje të shumta, i cili nxirrte në pah barkun e saj të tonifikuar dhe shfaqte një dizajn të kryqëzuar poshtë.
Foto: Rita Ora/Instagram
Duke i ndarë këto fotografi me ndjekësit e saj në Instagram, Rita shkroi: “Java ime e parë e vitit 2023 (pjesa 1 ) duke dëgjuar këngën time të re çdo ditë! Mezi pres që të gjithë ta dëgjoni”.
Si gjithmonë fansat e Ritës, u tunduan nga fotografitë e saj provokuese.
Njëri shkroi: “Rita i dua veshjet e tua”, gjersa një tjetër komentoi: “Thjesht mahnitëse”.
Foto: Rita Ora/Instagram
Interpretuesja e hitit “Hot Right Now” këto ditë u lajmërua në rrjetin social Instagram për të falënderuar fansat e saj për mbështetjen e tyre në vitin 2022 teksa njoftonte publikimin e një albumi të ri.
Këngëtarja tha se po kalonte “në kapitullin tjetër” – duke bërë kështu të ditur se është gati për albumin e tretë në karrierën e saj.
Foto: Rita Ora/Instagram
Rita publikoi albumin e saj debutues në vitin 2012, dhe të dytin, me titull “Phoenix”, në vitin 2018.
Që atëherë ajo ka publikuar një mini-album (EP) dhe disa këngë e bashkëpunime, por fansat kanë pritur për një album të tretë. /Telegrafi/
Foto: Rita Ora/Instagram
