Angel Di Maria shpreson të jetë mjaftueshëm i aftë për të luajtur nga fillimi në finalen e Kupës së Botës “Katar 2022”.

Argjentina në finalen e madhe do të takohet me Francën. Kjo ndeshje do të zhvillohet të dielën, shkruan Gazeta Express.

Di Maria ka luftuar me probleme muskulore gjatë gjithë sezonit që nga kalimi nga PSG në Torino si lojtar i lirë.

34-vjeçari ishte titullar në tre ndeshjet e para të Kupës së Botës në përpara se të përballej sërish me probleme fizike gjatë fitores 2:0 ndaj Polonisë, më 30 nëntor.Ai nuk u aktivizua fare në dy përballjet tjera; ndaj Australisë dhe Kroacisë, teksa luajti vetëm për tetë minuta në çerekfinalen ndaj Holandës.

Sipas “TyC Sports”, Di Maria është rikthyer të stërvitet rregullisht me pjesën tjetër të skuadrës së Argjentinës dhe shpreson të ketë më shumë minuta në finale, por mund të jetë edhe në 11-shen e titullarëve. /Gazeta Express/