Herolind Shala është rikthyer për të shënuar gola me skuadrën e tij Slovan Liberec.

Talenti i Kombëtares shqiptare ishte deçiziv për skuadrën e tij duke shënuar golin e parë në fitoren 3:0 të Liberecit në udhëtim te Teplice.

Shala ka marrë lëvdata të mëdha nga mediat çeke, ku përpos që është shpallur lojtar i ndeshjes, loja e tij është pëlqyer shumë.

“Shala ishte gjithandej. Në sulm, kthehej në mbrojtje dhe organizonte çdo sulm të Liberecit”.

“Ai e ka merituar epitetin si lojtari i ndeshjes pasi edhe goli i tij ishte vendimtar për fitoren e Liberecit. Ai po kthehet për të qenë kryesori tek skuadra e kaltër”, shkruante në analizën e të përditshmes çeke sport.cz. /Telegrafi/