Kryetari i Kuvendit të Kosovës, Kadri Veseli edhe sot ka vizituar në shtëpinë e tij, veprimtarin Adem Demaçi.

Ai së bashku me bashkëshorten e tij ka dërguar edhe tortën e ditëlindjes për Demaçin.

Ja postimi i plotë i Veselit në facebook:

Sot, së bashku me bashkëshorten, shkova në shtëpinë e Bacës Adem, për ta uruar me rastin 80-vjetorit të lindjes. Të paçim sa malet Baca Adem!

Falënderoj Këshillin organizativ të Akademisë solemne, Shoqatën e të burgosurve politik, Hidajet Hysenin, Selatin Novosellën që me bashkëpunëtorët e mijë organizuan festimin madhështor të 80-vjetorit të lindjes së Bacës Adem.

Gjithashtu falënderoj kompozitorin Valton Beqirin dhe drejtuesin e Filarmonisë së Kosovës, Baki Jasharin që në këtë mbrëmje i bënë dhuratë të veçantë Bacës Adem dhe gjithë qytetarëve të Kosovës, himnin kushtuar Bacës Adem, teksti i poezisë së Adem Gashit, “Ballin lartë”.