Duke folur përpara ndeshjes së Francës në Kupën e Botës, kundër Australisë, Eduardo Camavinga tha se Karim Benzema ishte i mërzitur  pasi mbeti jashtë Kupë së Botës.

Benzema bëri përpjekje për t’u rikuperuar javëve të fundit, por nuk ia doli dhe u largua të shtunën mbrëma, transmeton Gazet Express.

Duke folur për “TF1” të dielën në mëngjes, Didier Deschamps tha se ai nuk do të thërrasë një zëvendësues.

Camavinga, i cili është bashkëlojtar me Benzeman edhe te Real Madridi, tha se ai kishte folur me 34-vjeçarin që nga diagnoza, por nuk kishte pasur rastin ta takonte, pasi ai u largua nga Katari herët të dielën në mëngjes.

“Nuk e pashë të largohej nga stërvitjet. Ishte gjatë ndeshjes. Pastaj ai shkoi për analiza, por ishte vonë dhe ne të gjithë shkuam në shtrat. E dëgjuam lajmin të nesërmen në mëngjes. Dhemb por objektivi ynë nuk ndryshon. Ne kemi një ndeshje që vjen shumë”, tha Camavinga para gazetarëve.

“Ne e dinim vonë në mbrëmje se ai nuk ishte i disponueshëm, por ai nuk mund të na thoshte sepse u largua herët sot në mëngjes. Që atëherë i kam dërguar mesazh. Ai ishte i mërzitur. Është një goditje, por ne kemi shumë lojtarë të mirë dhe do të luftojmë për të gjithë ata që nuk kanë pasur rastin të vijnë”, deklaroi 20-vjeçari. /Gazeta Express/