Kryeministri i Kosovës, Albin Kurti duke iu referuar gruas së moshuar që u rrah nga një infermiere në Pejë në shtëpinë e pleqve, ka thënë se ajo që pamë sot ishte e tmerrshme.

Shefi i qeverisë shtoi se nuk ka qytetar i cili s’është shokuar, kurse institucionet me të marrë vesh sulmin mbi nënën, të moshuarën, në Qendrën Strehimore në Pejë, janë aktivizuar dhe kanë vepruar.

Ai shtoi se të moshuarit janë më të dashurit tanë.

“Ata kanë kontribuar në shoqëri në aq shumë aspekte për kohën më të gjatë sesa të gjithë ne të tjerët. Do të qëndrojmë pranë tyre si me vendime e përgjegjësi qeveritare, gjithashtu edhe me ndenjën dhe përkujdesjen qytetare”, tha Kurti në një postim në Facebook.