Luis Enrique do ta zgjedhë skuadrën e tij paraprake për Kupën e Botës të premten dhe raportet theksojnë se Sergio Ramos do të jetë në të.

Lista me 55 lojtarë do të finalizohet sot dhe më pas do të ngushtohet në 26 më 11 nëntor, pak para fillimit të kampionatit, transmeton Gazeta Express.

Sipas Diario AS, Spanja nuk do ta bëjë publike listën. Duke pasur parasysh numrin e lëndimeve që po grumbullohen, ata mund të dëshirojnë ta rregullojnë atë.

Lojtarët mund të thirren në skuadrën finale deri në 24 orë përpara ndeshjes së parë të turneut në rast lëndimi.

Ramos ka një shans të vogël për të hyrë në atë listë. Ai ka të ngjarë të jetë pak më poshtë në listë, pasi nuk është përfshirë në ekip që nga marsi i vitit 2021.

Emra të tjerë të shquar që supozohet se do të jenë në listë janë të rinjtë Nico Williams dhe Alejandro Balde. /Gazeta Express/