Është plagosur një person në Sllatinë dhe i njëjti është dërguar në QKUK.
Bëhet e ditur se i plagosuri është jashtë rrezikut për jetë, përcjell Klankosova.tv.
“Raportohet se të dyshuar të panjohur kanë shtënë me armë zjarri në drejtim të viktimës mashkull kosovar. Si pasojë viktima ka pësuar lëndime trupore dhe i njëjti është dërguar për tretman mjekësor në QKUK dhe është jashtë rrezikut për jetë”, thuhet në raportin e policisë.
Policia bën të ditur se në vendin e ngjarjes janë gjetur dhe konfiskuar 6 gëzhoja dhe se rasti është nën hetime.
