Barcelona i është rikthyer rrugës së fitoreve në kampionat.
Katalonasit mposhtën në shtëpi Villarrealin me rezultat 3:0, në kuadër të javës së 10-të në La Liga.
Vendasit e kryen punën qysh në pjesë të parë, kur i realizuan tre gola për shtatë minuta, shkruan Gazeta Express.
Ishte Robert Lewandowski që mori një asist nga Alba në minutën e 31-të dhe me një lëvizje fantastike u lirua për të shënuar për 1:0.
Vetëm katër minuta më vonë, Lewandowski shënoi sërish, por këtë herë nga distanca.
Për 3:0 u përkujdes Ansu Fati që shënoi në minutën e 38-të.
Me këtë fitore, tani Barcelona shkon në kuotën e 25 pikëve në vendin e dytë, tri më pak se lideri, Real Madridi.
Në anën tjetër, Villarreali mbetet i nënti me 15 pikë gjithsej. /Gazeta Express/
