Kryetari i Komunës së Lipjanit, Imri Ahmeti i shoqëruar nga nënkryetari Diamant Bytyqi, sot kanë pritur në takim përfaqësuesit e Drejtorisë Rajonale të Policisë në Prishtinë të udhëhequr nga drejtori Fehmi Gjata, me të cilët kanë bashkëbiseduar për tema të ndryshme por me theks të veçantë kanë diskutuar për situatën e sigurisë në Komunën e Lipjanit, njofton Komuna.

Përfaqësuesit komunal dhe zyrtarët policor u shprehën të gatshëm për të bashkëpunuar në çdo segment, me qëllim rritjen e nivelit të sigurisë për të gjithë qytetarët e Komunës së Lipjanit.

Gjithashtu, gjatë këtij takimi u tha se Komuna e Lipjanit ka një rol aktiv për krijimin e një klime të sigurtë, veçanërisht me projektet e shumta që janë zhvilluar por edhe ato synuara për luftimin e dukurive negative në shkolla, të cilat do të ndikojnë në nivelin e përgjithshëm të sigurisë në territorin e komunës.