Kryetari i Komunës së Lipjanit, Imri Ahmeti, ngushëllon familjen Sopa, me rastin e ndarjes nga jeta të profesorit Fatmir Sopa.

Postimi i plotë:

TELEGRAM NGUSHËLLIMI

Kryetari i Komunës së Lipjanit, Imri Ahmeti, ngushëllon familjen Sopa, me rastin e ndarjes nga jeta të profesorit Fatmir Sopa.

E nderuara familje Sopa, të nderuar nxënës dhe bashkëpunëtor të Fatmirit.

“Me dhimje të thellë, mora lajmin për ndarjen nga jeta të profesorit tonë të çmuar, Fatmir Sopa.
Profesori i nderuar, me punën, përkushtimin, kontributin dhe angazhimin e vazhdueshëm për disa dekada me radhë, la gjurmë të pashlyeshme në arsimimin e kuadrove në komunën tonë, ku u bë emër i respektuar, i cili nderohet dhe çmohet nga secili kolegë, nxënës dhe bashkëpunëtor.

Duke bashkëndjerë me familjen, miqtë dhe nxënësit e Gjimnazit “Ulpiana”, në emrin tim, të bashkëpuntorëve dhe mbarë stafit komunal, shpreh ngushëllimet më të sinqerta për ndarjen nga jeta e profesorit Fatmir Sopa!

Jeta dhe vepra e tij le të shërbejnë si mësim, për ne dhe gjeneratat e ardhshme”. mbyllet telegrami i ngushëllimit.