Video dhe fotografi të ndryshme kanë filluar të qarkullojnë nëpër mediat sociale, në të cilat shihen kurdët sirianë me raketa të avancuara anti-tank që janë prodhim amerikan.
Një video e postuar në internet, shfaq momentin kur një raketë e tillë hedh në ajër veturën e Shtetit Islamik, derisa Uashingtoni mohon kategorikisht zërat se e ka furnizuar YPG (rebelët kurdë në Siri) me këtë lloj të armës, transmeton Telegrafi.
.jpg)
Nëse vërtetohet autenticiteti i videos, që besohet se është filmuar në afërsi të qytetit sirian Shaddadi, atëherë do të nënkuptonte se njësitë e mbrojtjes popullore të kurdëve sirian, kanë në pronësi armatimin më modern.
Videoja e postuar në internet, shfaq momentin kur një veturë ushtarake që besohet se i përkiste Shtetit Islamik, goditet drejtpërdrejt nga një predhë anti-tank.
Bëhet fjalë për FGM-148 Javelin raketat anti-tank, që janë prodhuar në Shtetet e Bashkuara. Kjo armë mund të fus në cak objektiva të ndryshëm, falë rreze infra të kuqe dhe është shumë më e avancuar sesa sistemin raketor TOW. /Telegrafi/
