Kylian Mbappe ka folur për konfliktin me Federatën Franceze të Futbollit.

Më herët u bë e ditur se sulmuesi i PSG-së refuzoi të merrte pjesë në një sesion fotografik me ekipin kombëtar për shkak të një mosmarrëveshjeje me federatën për të drejtat e imazhit, transmeton Gazeta Express.

Dhe, pastaj Federata e Francës  njoftoi se do të shqyrtojë marrëveshjen për të drejtat e imazhit të lojtarëve të Kombëtares.

“Ekipi ka qenë gjithmonë për mua, ndoshta ju nuk e keni ditur këtë. Ka qenë një qasje ekipore që në fillim. Nuk e kam problem të luftoj për shokët e mi”, tha Mbappe.

“Është në rregull të marr kritika për veten time, por kjo nuk do të ndryshojë stilin tim të lojës apo të jetës. Nëse mund të ndihmojë një grup lojtarësh të marrin atë që duan, kjo është gjëja kryesore”, shtoi 23-vjeçari. /Gazeta Express/