Galatasaray ka qenë shumë aktive në merkato të verës këtë vit, derisa në momentet e fundit ka transferuar pesë lojtarë.

Në mesin e këtyre lojtarëve është edhe sulmuesi kosovar, Milot Rashica por edhe yjet e njohur të futbollit tashmë, si Mauro Icardi dhe Juan Mata.

Rashica u huazua nga Norwich  City teksa do të paguhet rreth 1.5 milion euro në sezon, shifër kjo e publikuar nga mediat turke.

Përpos Rashicës, Galatasaray sot ka zyrtarizuar edhe Matthias Ross, Yusuf Demir, Juan Mata dhe Mauro Icardi.

E në një fotografi të publikuar në rrjetet sociale, duket se Galatasaray ka treguar sulmin e saj të rrezikshëm për sezonin e ri, që shkurtimisht mund të quhet RIM, pasi që ai përbëhet nga Milot Rashica dhe dy sulmuesit tepër të njohur si ish sulmuesi i Chelsea dhe Manchester United, Juan Mata dhe ish sulmuesi i Inter dhe PSG, Mauro Icardi. /GazetaExpress/

Këtu mund ta shikoni VIDEON…