Partia Demokratike e Kosovës ka përgënjeshtruar lajmin, lidhur me gjoja hartimin e dokumentit udhërrëfyes për zgjedhjen e Presidentit.
PDK thekson se Partia Demokratike e Kosovës as ekspertët e saj nuk janë autorë të dokumentit të përshkruar në gazetë.
“Partia Demokratike e Kosovës, mbështet zgjedhjen e Presidentit të Republikës së Kosovës në bazë të rezultatit zgjedhor, të arritjes së Marrëveshjes me partnerët e koalicionit, si dhe përfilljen e të gjitha procedurave ligjore dhe kushtetuese. Partia Demokratike e Kosovës, mbështet zgjedhjen e Presidentit përmes një procesi transparent, demokratik dhe gjithëpërfshirës”, thuhet në njoftim. /Telegrafi/
