Kryeministri Albin Kurti priti këtë të premte në takim ushtruesin e detyrës së Drejtorit të Përgjithshëm të Policisë së Kosovës, Fehmi Hoti.
Në takimin në të cilin ishte i pranishëm edhe ministri i Punëve të Brendshme, Xhelal Sveçla, kryeministri Kurti e uroi Hoti për përgjegjësitë e reja.
Kryeministri Kurti dhe ministri Sveçla bëhet e ditur se i dhanë mbështetjen e plotë Hotit në luftimin e krimit të organizuar dhe korrupsionit, si dhe vendosjen e ligjshmërisë në të gjithë territorin e vendit.
Fehmi Hoti është caktuar ushtrues detyre i Drejtorit të Përgjithshëm të Policisë së Kosovës tri ditë më parë.
Kryeministri Kurti e caktoi Hotin në këtë pozitë pasi Samedin Mehmeti dha dorëheqje, pas rastit të rëndë që ndodhi në Prishtinë, ku një vajzë 11-vjeçare dyshohet se është dhunuar nga pesë persona. /Telegrafi/
