Presidenti i Milanit, Silvio Berlusconi, parashikon një ndeshje shumë të vështirë ndaj Napolit dhe shpreson që Mario Balotelli të jetë vendimtar.

Rossonerët do të ndeshen me Partenopei në San Paolo, ndërsa Vesuvianët kërkojnë kthimin në krye të tabelës pas barazimit të Juventusit.

“Do të jetë një ndeshje shumë e vështirë… Napoli është i motivuar, pasi po vjen pas dy humbjesh, në të cilat luajtën mirë dhe nuk kishin fat”.

“Ata do të luajnë ndaj një publiku të jashtëzakonshëm në San Paolo që do t’i shtyjë drejt fitores. A mund të kualifikohet Milani në Ligën e Kampionëve. Vetëm nëse fitojmë prej tash deri në fund”, ka theksuar Berlusconi përRadio Onda Libera.

Ai është pyetur edhe për favoritin për titullin e Serie A, ndërsa përgjigja ishte: “Juve, ata janë shumë të baraspeshuar, kanë mbrojtje të shkëlqyer dhe janë të qëndrueshëm në rezultatet e tyre”. /Telegrafi/