Marcos Alonso pritet të jetë përforcimi i radhës i Barcelonës.
Klubi katalunas ka marrëveshje me lojtarin, si dhe një marrëveshje në parim me Chelsean që nga java e kaluar, transmeton Gazeta Express.
Por, sipas ekspertit të transferimeve, Fabrizio Romano, Alonso do të zyrtarizohet te Barcelona, vetëm pasi klubi të regjistrojë përforcimet e tjera të këtij afati kalimtar.
Kujtojmë se në Spanjë së fundi u raportua se Barça momentalisht nuk i plotëson kërkesat e nevojshme për të regjistruar pesë nënshkrimet e verës – Robert Lewandowski, Jule Kounde, Franck Kessie, Andreas Christensen dhe Raphinha, si dhe dy futbollistët që rinovuan kontratat – Ousmane Dembele dhe Sergi Roberto.
Barcelona pritet që të aktivizojë levën e katërt ekonomike për të mundësuar regjistrimin e futbollistëve, si dhe pastaj transferimin e Alonsos.
Mbrojtësi spanjoll është pajtuar për të nënshkruar kontratë 2-vjeçare me Barcelonën, duke përfshirë edhe opsionin për një vit të tretë. /Gazeta Express/
Once Barcelona register all signings with final green light coming from La Liga, Marcos Alonso will be sealed as next incoming. There’s an agreement in principle with Chelsea since last week 🚨🔵🔴 #FCB
Matter of details – Marcos would sign with Barça until 2024 with +1 option. pic.twitter.com/XzTXH0TFlC
— Fabrizio Romano (@FabrizioRomano) August 9, 2022
