Me 19 korrik të këtij viti ishte planifikuar një takim mes krerëve shtetërorë të Kosovës dhe Serbisë në kuadër të dialogut të sponsorizuar nga Bashkimi Evropian.
Mirëpo një takim i tillë dështoi me arsyetimin e palës serbe se ishte planifikuar në Beograd një vizitë e presidentit të Egjiptit.
Megjithatë ai thotë se një takim i mundshëm në Bruksel mes Kurtit e Vuçiqit mund të mbahen në fund të këtij muaji.
“Ne jemi në komunikim të vazhdueshëm me Bashkimin Evropian dhe nëse do të ketë një takim të radhës, ai pritet të zhvillohet në javën e tretë të këtij muaji”, shtoi tutje Kryeziu.
Zëdhënësi i Qeverisë së Kosovës, megjithatë ka thënë se çështja e targave nuk është më temë e dialogut pasi sipas tij ajo është kryer në të kaluarën.
“Këto vendime janë të qeverisë, që janë të parapara edhe në marrëveshjet për të cilat palët janë dakorduar në të kaluarën. Atë që ne e kemi filluar me 1 gusht dhe do ta vazhdojmë me 1 shtator është zbatuar për tash e 11 vjet nga Serbia”, tha Kryeziu.
