Manchester United raportohet se ka hequr dorë nga përpjekja për të transferuar Antonyn.

Klubi anglez tash e një kohë ishte duke e kërkuar transferimin e brazilianit, mirëpo tani duhet të kërkojë një sulmues diku tjetër – transmeton Gazeta Express.

Sipas “Sky Sports”, Manchester United nuk është pajtuar me Ajaxin me çmimin e kërkuar për shitjen e Antonyt.

Klubi holandez kërkoi 100 milionë euro për shitjen e 22-vjeçarit, shumë e cila është cilësuar si tejet e lartë nga “Djajtë e Kuq”.

Antony, tani më shumë gjasë do të mbetet te Ajaxi – klub me të cilin ka kontratë të vlefshme deri më 30 qershor 2025.

Ai ishte transferuar te klubi nga Amsterdami nga Sao Paolo në vitin 2020 për 15.7 milionë euro. /Gazeta Express/