Në ambientet e Ambasades Amerikane dhe në prezencë të Ambasadorit amerikan në Kosovë Jeffry M.Hovenier, Kryetari i Komunës së Lipjanit, Imri Ahmeti së bashku me Stephen Carpenter përfaqësues DAI GLOBAL LLC kanë nënshkruar Memorandum Bashkëpunimi për fillimin e projektit të USAID-it Integriteti i Komunave të Kosovës .

Qëllimi i këtij memorandimi është bashkëpunimi në rritjen e Integritetit dhe llogaridhënies në fushën e procesit të prokurimit, menaxhimit financiar, auditimit të brendshëm, menaxhimit të kontratave.

Po ashtu edhe në rritjen e përkushtimit ndaj parimeve të qeverisjes së mirë: sundimi i ligjit,transaprenca, efiqienca, efektshmëria, reagushmëria, përfshirja dhe pjesëmarrja e qytetarëve.

Komuna e Lipjanit është përfituese e këtij projektit në mesin e 10 komunave të Kosovës që do të financohet nga USAID dhe do të zgjasë 5 vite.