Roma po rrit interesimin për mbrojtësin e Manchester Unitedit, Eric Bailly, i cili po kërkohet nga trajneri, Jose Mourinho.

28-vjeçari besohet se është afër kalimit në “Olympico”. Sipas ekspertit të transferimeve, Gianluca Di Marzio, negociatat mes palëve po përparojnë, transmeton Gazeta Express.

Bailly ka kontratë të vlefshme me “Djajtë e Kuq” deri në verën e vitit 2024, teksa ekziston edhe opsioni i zgjatjes edhe për një tjetër vit.

Megjithatë, hapësira e pamjaftueshme te Man United po e shtyn lojtarin që të largohet nga “Old Trafford”.

Roma thuhet se po shpreson ta marrë Baillyn në formë huazimi për sezonin e ardhshëm, por që të përfshihet edhe opsioni i blerjes pas përfundimit të sezonit.

Nëse një lëvizje e tij realizohet, reprezentuesi i Bregut të Fildishtë do të ishte mbrojtësi i dytë që do t’i bashkohej Romës nga Manchester United, pas Chris Smalling.

Kujtojmë se Jose Mourinho ishte trajner i Manchester Unitedit në vitin 2016, kur klubi e transferoi Eric Baillyn nga Villarreali. /Gazeta Express/