Arsenali raportohet se është afër transferimit të Oleksandr Zinchekos nga Manchester City.

“Topçinjtë” kanë rikthyer interesimin e tyre për ukrainasin, pasi nuk ia dolën të transferonin Aaron Hickeyn ose Lisandro Martinezin, transmeton Gazeta Express.

Sipas “Daily Mail”, Arsenali tani pritet të përfundojë një marrëveshje prej 35 milionë funte, pasi bisedimet për transferimin e Zinchekon kanë përparuar.

Raporti shton se 25-vjeçari fillimisht hezitoi të largohej nga “Qytetarët”, por mbrojtësi i majtë tani është i hapur për idenë e një kalimi në “Emirates Stadium” në mënyrë që të rrisë kohën e tij në fushën e lojës.

Arsenali dhe Manchester City ende nuk kanë rënë dakord për tarifën e transferimit, por ka shpresë se klubet mund të gjejnë gjuhën e përbashkët në ditët në vijim.

Trajneri i londinezëve, Mikel Arteta, ka punuar më parë me Zinchenkon gjatë kohës së tij si asistent i Guardiolas dhe besohet se mban një marrëdhënie të fortë me lojtarin, dhe ai është gjithashtu i tërhequr nga shkathtësia e ukrainasit.

Kujtojmë se Arsenali në këtë afat kalimtar transferoi Gabriel Jesusin nga radhët e kampionëve të Anglisë. /