Ndërsa raportet në Spanjë dhe Argjentinë tregojnë për interesimin e Milanit për Luis Suarez, ato italiane janë të bindur se propozimi i vetëm vjen nga Monza e sapopromovuar.

Lajmi u shfaq fillimisht në TyC Sport dhe më pas një agjent që thuhet se përfaqësonte Suarez foli për Diario AS rreth dëshirës së tij për të luajtur në Serie A pasi refuzoi Fenerbahcen.

Monza u përmend, por raporti vazhdoi duke pretenduar se uruguaiani ishte afër Milanit për 4 milionë euro në sezon.

Ai është një lojtar i lirë pas largimit nga Atletico Madrid dhe ishte lidhur me Juventusin vitin e kaluar.

Megjithatë, të gjitha burimet italiane duke përfshirë MilanNews, Calciomercato dhe ekspertin e transferimeve të Sportitalia, Alfredo Pedullà sigurojnë se Milani nuk është në garë për Luis Suarez.

Monza me të vërtetë ka bërë një qasje, ashtu siç janë në bisedime me sulmuesin e Paris Saint-Germain, Mauro Icardi. /Gazeta Express/