AS Roma nuk e dëshiron largimin e Marash Kumbullës. Lojtari pritet të mbetet në “Olimpico”, pavarësisht se nuk po ka minuta nën urdhrat e Jose Mourinhos.

“Corriere dello Sport” ka raportuar se krerët e klubit nga kryeqyteti italian nuk duan që ta shesin mbrojtësin shqiptar, transmeton Gazeta Express.

Romakët nuk duan që Kumbulla të largohet së paku jo në afatin kalimtar të kësaj vere.

22-vjeçari vazhdon të jetë i lidhur me një transferim te Torino, por kjo tani duket larg për të ndodhur.

Roma thuhet se e ka njoftuar edhe Torinon për vendimin lidhur me të ardhmen e ish-mbrojtësit të Hellas Veronas.

Marash Kumbulla ka kontratë të vlefshme me Romën deri më 30 qershor 2025. /Gazeta Express/