Chelsea raportohet se po përgatit ofertën e dytë për Raheem Sterlingun.

Reprezentuesi anglez është prioritet i “Bluve”, të cilët po kërkojnë me ngulm transferimin e tij në afatin e kësaj vere, transmeton Gazeta Express.

Sipas ekspertit të transferimeve, Fabrizio Romano, Chelsea do të bëjë ofertën e re pasi janë duke punuar tashmë për të.

Trajneri i londinezëve, Thomas Tuchel, thuhet se e dëshiron Sterlingun dhe se janë diskutuar edhe kushtet persoanle.

Negociatat më herët u udhëhoqën nga Marina Granovskaia, e cila u largua së fundi nga klubi, dhe tani negociatat përsipër i ka marrë pronari, Todd Boehly.

Sterling me Manchester Cityn ka kontratë të vlefshme deri në verën e vitit të ardhshëm.

Situata me kontratën e tij e ka shtyrë edhe klubin të lejojë largimin e tij këtë vit, për të mos e humbur falas në vitin tjetër. /Gazeta Express/