Manchester United ka humbur edhe një takim, ndërsa kësaj radhe kanë qenë viktimë e ekipit simpatik nga Danimarka, Midtjyllandi.

Ekipi i drejtuar nga Louis Van Gaal pësoi me rezultat 2:1, duke i vështirësuar vetës punët për një kalim në raundin tjetër.

Ndërkohë trajneri holandez i United, Van Gaal ka thënë se edhe ai dhe lojtarët janë të zhgënjyer ashtu si tifozët të cilët e fyen atë në korë gjatë ndeshjes në Danimarkë.

“Ata janë të zhgënjyer dhe kanë të drejtë, por edhe ne jemi të zhgënjyer me këtë situatë”.

“Unë jam shumë mirënjohës për tifozët që na mbështetin, ata duan që ne të fitojmë dhe kjo është edhe dëshira jonë”, thotë Van Gaal.

“Nuk është e lehtë të fitosh me 14 lojtarë të lënduar, por ne besojmë se do ta përmbysim këtë rezultat në ‘Old Traford’ dhe të kualifikohemi tutje”, deklaroi Van Gaal. /Telegrafi/