Angel Di Maria duket se e ka zgjedhur përfundimisht ekipin e tij të ardhshëm.

Futbollisti argjentinas deri para pak ditësh ishte shumë pranë transferimit në Juventus.

Mirëpo, së fundmi në garë për futbollistin e deritashëm të Paris Saint-Germainit është futur edhe Barcelona.

Përfaqësuesin argjentinas e ka kërkuar posaçërisht trajneri Xavi Hernandez.

Dhe, duket se interesimi i “Blaugrana” po e josh më shumë ish-futbollistin e Real Madridit dhe Manchester Unitedit.

Mediumi italian “Il Messaggero” raporton se Barça e ka bërë gati një kontratë njëvjeçare për futbollistin e krahut, i cili do të paguhet në këtë rast 7,5 milionë euro, përcjell “Gazeta Express”.

Nga ana tjetër, “Zonja e Vjetër” nuk ka qenë asnjëherë e gatshme ta paguajë këtë shumë për Di Marian, i cili këtë muaj bëhet lojtar i lirë pasi do t’i skadojë kontrata me PSG-në.

Përkundër moshës 34 vjeçare, Di Maria është në formë të lartë dhe mund të japë ende kontribut.

Natyrisht, tifozët e Realit nuk do ta prisnin aspak mirë transferimin e tij tek rivali i tyre i përjetshëm dhe i përbetuar, Barcelona. /Gazeta Express/