Kryetari i Komunës Imri Ahmeti, sot ka pritur në takim bashkëvendasen Imrie Shasivari e cila jeton e vepron në Gjermani e shoqëruar nga gratë e shoqatës “ Frauen BUNT” të cilat vijnë nga kulturat e vendeve të ndryshme, shoqatë që merret me integrimin sa më të shpejtë e të lehtë në shtetin gjerman.
Kryetari Imri Ahmeti me bashkëpunëtorët e tij para këtij delegacioni kanë paraqitur një leternjoftim të shkurtër rreth Komunës së Lipjanit si dhe kanë bashkëbiseduar rreth fushave të caktuara siç janë: arsimi, kultura, shëndetësia por edhe për resurset natyrore me qka njihet Komuna e Lipjanit.
Qëllimi i vizitës në Komunën e Lipjanit ishte njohja nga afër e punës së qeverisjes lokale dhe Grupit të Grave në Lipjan me qëllim të përafrimit dhe bashkëpunimit të akvititeteve të grave rreth përvojave të mira që kanë të dyja palët.