Miralem Pjanic e ka të vështirë ta pranojë humbjen nga Real Madridi, pasi mendon se Roma e meritoi të shënonte së paku një gol.

Ndeshja e parë e 1/8 së finales të Ligës së Kampionëve që u zhvillua në Stadio Olimpico u vendos me golat e Cristiano Ronaldos dhe Jese Rodriguezit.

“Është shumë vështirë ta pranoj këtë rezultat. Real Madridi është ekip i mirë, por nuk na shkaktuan shumë probleme”.

“Merituam të shënonim së paku një gol. Ky rezultat është një gënjeshtër. E dimë se luajtëm ndaj një ekipi të madh dhe trajneri na paralajmëroi se janë të mirë në kundërsulme, ndërsa pikërisht në këtë mënyrë na shënuan golin e parë”.

“Tash duhet të shikojmë përpara dhe të mendojmë për Serie A. Kjo skuadër do të japë gjithmonë gjithçka”, ka thënë Pjanic për Mediaset Premium. /Telegrafi/